Endamálið við hesi heimasíðu er at gera tað lættari hjá føroyingum at frætta frá og samskifta um svimjing, í vón um at hetta kann styrkja um áhugan hjá fjølmiðlum og føroyingum sum heild fyri hesum frálíka ítrótti.

Met og finalur til føroyingar eisini fimta dag á Danish Open 2016

So er síðsta sett av innleiðandi riðlum farið afturum á Danish Open 2016, har vit aftur fingu bæði føroyskt met og føroyingar víðari til finalur.

2016-04-17_10-50-15

Róland føroyskt met og B-finala í 50 bringu á Danish Open 2016

Róland Toftum úr Suðuroyar Svimjifelag setti fyri løtu síðani stórt nýtt føroyskt met og juniormet í 50 metra bringusvimjing á langgeil, tá ið hann á Danish Open 2016 svam teinin uppá 29.89. Hann átti sjálvur føroyska metið á 30.01, frá FM á langgeil í mars mánaða. Hetta rakk til eitt 9. pláss og B-finalu millum teir 28 sum luttóku í innleiðandi riðlum í morgun, og er Róland nú fyrsti føroyingur undir 30 sekund í 50 bringu á langgeil. Og tað so ruddiliga eisini. Sí úrslitalistan her.

2016-04-17_10-34-55

Heiðursmerkir, met og OL-billett, 4. kvøld á Danish Open 2016

Enn eitt fantastiskt kvøld hjá føroyingum á Danish Open: Signhild setti føroyskt met og juniormet í 50 rygg, Pál og Óli vunnu heiðursmerkir í 1500 frí, og Pál tryggjaði sær pláss til Olympisku Leikir í Rio de Janeiro í summar.

Pál við til OL 2016

Met og finalur aftur 4. morgun á Danish Open 2016

Nú eru vit komin til fjórða dag á Danish Open 2016, og føroyskir svimjarar hava aftur svomið seg í finalur, umframt at vit hava fingið okkurt met.

Untitled

Signhild juniormet og víðari til A-finalu í 50 rygg

Signhild Joensen úr Ægir setti fyri løtu síðani nýtt føroyskt juniormet í 50 metra ryggsviming, tá ið hon á Danish Open 2016 svam teinin uppá 30.50. Hetta var nóg gott til at hon kom víðari til A-finaluna eisini, við fjórbestu tíð av teimum 33 sum luttóku í morgun. Sí úrslitalistan her.

Signhild Joensen á Danish Open 2016

Føroysk veitsla 3. kvøld á Danish Open 2016

So er triðja finalukvøld farið afturum á Danish Open 2016, og føroysku svimjararnir eru av álvara vaknaðir. Astrið setti føroyskt met í 50 frí, Magnus vann gull í 50 rygg og setti danskt met, Alvi vann gull í 400 blandað og setti føroyskt met, og Vár setti stórt nýtt føroyskt met og juniormet í 800 frí.

12512642_1180251678682072_214156490922153276_n

(Alvi glaður aftaná 400 blandað. Dan Hjelm eigur myndina)

Met og finalupláss til føroyingar eisini 3. morgun á Danish Open 2016

Triði morgun er nú farin afturum á Danish Open 2016, har føroyingar aftur gjørdu vart við seg. Astrið og Signhild hava sett føroysk met, og ein rúgva svomið seg í finalur.

Untitled

Astrið føroyskt met og í finalu á Danish Open 2016

Astrið Foldarskarð úr Havnar Svimjifelag setti í morgun nýtt føroyskt met í 50 metra frísvimjing á langgeil, tá ið hon á Danish Open 2016 svam teinin uppá 27.19 sekund. Hetta rakk eisini til eitt pláss í B-finaluni seinnapartin. Astrið átti sjálv nú farna føroyska metið, sum var 27.21 frá tá ið hon vann gull á FøroyaMeistarastevnuni á Langgeil í mars mánaða. Sí úrslitalistan her.

Untitled

Signhild gullnál og føroyskt met, og í finalu á Danish Open 2016

Signhild Joensen úr Ægir svam seg í morgun víðari til finalu á Danish Open 2016, við 5. bestu tíð av teimum 26 sum luttóku í innleiðandi riðlunum. Tíðin hjá henni var 1:04.54, sum er nýtt føroyskt met og juniormet í mun til hennara 1:04.67 frá FøroyaMeistarastevnuni á Langgeil í mars mánaða. Og, tað er eisini undir gullnálatíðini hjá Svimjisambandi Føroya í greinini, sum er 1:04.54. Sí úrslitalistan her, finalan verður seinnapartin í dag.

Signhild Joensen á Danish Open 2016

(Signhild Joensen á Danish Open 2016. Jón Bjarnason eigur myndina)

11 dagførdir lívbjargarar hjá Páls Høll og SuSvim

Hetta er eitt sindur gamalt - men hin 4. og 5. mars 2016 skipaði Sørin S. Djurhuus úr Svimjisambandi Føroya fyri lívbjargararoynd suðuri í Vági, har tilsamans 11 fólk tóku prógv, sum starvast í Páls Høll og/ella fyri Suðuroyar Svimjifelag.

20160305IMG_1211

Bjóða út innihald